Arquivo da categoría: Tempada 2017-2018

Rock and Gol 005 (12-08-2018)

Quinto programa de Rock And Gol no que afondaremos na historia do fútbol feminino, facendo especial fincapé nos seus inicios, na mirada masculina e poñendo atención nas mellores competicións a nivel de clubes e seleccións. Para rematar cunha pincelada da situación actual en España e Galiza. Todo isto acompañado polos mellores grupos e artistas femininos da historia do rock.

Tracklist: Seguir lendo

Buran 019 (09-08-2018)

Os mitos populares e as lendas tribais, moi especialmente no caso galego. Ou dito doutra forma, os restos que quedaron dunha cristianización mal feita e que aínda aparecen nos rituais do lume e das ondas, nos tesouros perdidos e nos rituais da menciña popular. Escoitando música de bruxaría con Dr. John, Pendulum e Na Lúa versionando ao José Afonso.

Rock and Gol 004 (05-08-2018)

Cuarto programa de Rock and Gol onde remataremos a serie ‘God Save The Football’. Nesta última entrega relacionada co fútbol e o rock inglés, faremos a derradeira viaxe por Inglaterra coñecendo cales son os equipos favoritos dos grandes artistas e grupos do rock de Inglaterra.

Tracklist: Seguir lendo

Voltum Lunae 004: Un paseo polo bosque (02-08-2018)

Nesta ocasión, o programa de Voltum Lunae trasládase ao bosque, para percorrer as súas terras dende a tarde ata a escura noite. Con este fin, recorreuse a diversas bandas de dark wave, new wave e dark ambient que, á súa vez, incorporan sons da naturaleza, os cales proporcionarán á audiencia a posibilidade de imaxinar aínda mellor as paisaxes dos bosques: cascadas, vento entre as árbores, voces que lembran ás fadas e ata puede que una estrela fugaz ao final do noso paseo nocturno.

Track list: Seguir lendo

Rock and Gol 003 (29-07-2018)

Terceiro programa de Rock and Gol onde continuaremos coa serie ‘God Save The Football’ cun percorrido polo mundo do rock e do fútbol de Inglaterra. Visitaremos os grandes clubes de fútbol do país británico acompañados pola música daquelas bandas ou artistas afeccionados a ditos equipos. Sheffield, Liverpool, Mánchester e Londres serán as protagonistas deste programa.

Tracklist: Seguir lendo

Buran 018 (26-07-2018)

Segunda parte do tema da loucura, nesta ocasión o seu pouso e os seus clichés no mundo da literatura, aínda que non só. Con Gnarls Barkley, Daniel Johnston e Sergio Mendes, ademais dos devaneos musicais dun capitán que volve das súas misións con estrés post-traumático e ao que recibimos con moito agarimo.