Arquivo da categoría: Voltum Lunae

Voltum Lunae 012: A world unseen (27-12-2018)

O programa número doce de Voltum lunae, titulado A world unseen, presenta unha serie de bandas incluindo diversos estilos como death, gothic, black e doom metal, tal e como os ointes comprobarán ao longo do programa. Con isto, preténdese dar constancia do mundo máis ben oculto ao que adoitan pertencer os devanditos xéneros musicais. Dámosvos a benvida, pois, a este “World unseen”.

Track list: Seguir lendo

Voltum Lunae 011: Loki & Sigyn (13/12/2018)

O tema abordado na entrega número once de Voltum lunae é a historia do deus nórdico Loki, deus do caos, a transformación e aa intriga, e da súa esposa Sigyn, deusa gardiana da fidelidade. Ao longo do programa, iranse narrando distintas partes da historia de ambos personaxes, ata chegar ao mismísimo Ragnarok, (a fin do mundo segundo a mitoloxía nórdica).
Para iso, seleccionáronse diferentes cancións de estilo metal gótico na súa maioría, case todas elas interpretadas por dúos de voz masculina e feminina, dexeito que esta parella de deuses queda representada por cada unha destas bandas do metal.

Track list: Seguir lendo

Voltum lunae 010: The whispering gallery (22-11-2018)

Décima entrega de Voltum lunae, novamente repleta de sorpresas musicais pertencentes ao gothic, doom e melodic metal. Tamén aparecen, neste caso, grupos que non foran escoitados no noso nocturno programa ata o momento, tales como After forever, Elis ou Edenbridge, cuxa canción, The whispering gallery, da título ao noso programa. Finalmente, a canción Cyanide sun, do grupo finlandés HIM, a cal pecha o programa, proporciona un toque de despedida a esta “Galería de susurros”.

Track list: Seguir lendo

Voltum Lunae 009: halo de oscuridad. (08-11-2018)

Nesta novena entrega de Voltum Lunae, preséntase unha serie de bandas de estilo metal gótico, dando mostras unha vez máis do halo de escuridade que envolve a música que forma parte do programa. Tal e como poderá observar o oínte no track list, a maioría son grupos que aínda no soaran en Voltum Lunae, tales como Alkonost, deixándonos oír unha canción en ruso, ou Lord of the lost, grupo alemán de metal gótico que nos presenta unha escura e romántica canción do seu último traballo, titulada The arth of love.

Track list: Seguir lendo

Voltum Lunae 008: Voces en las tinieblas (25-10-2018)

Oitavo programa de Voltum lunae dedicado a bandas de estilo metal gótico e metal sinfónico, todas elas procedentes de América Latina, España, Galicia e Portugal. A intención é amosar aos seguidores deste estilo musical, que nestes países tamén hai varias agrupacións que representan ambos xéneros musicais. Tal e como se indica no track list, os oíntes poderán comprobar que, unha vez máis en Voltum lunae, incluíuse unha canción de grupo portugués Moonspell, que xa se puido escoitar noutras ocasións anteriores.

Track list: Seguir lendo

Voltum Lunae 007: black, death, doom metal. (11-10-2018)

Neste programa englobáronse diferentes conxuntos musicais pertencentes ao xénero do metal e, especialmente, explórase o subxénero black, death e incluso se fará unha lixeira mostra do metal industrial.
Finalmente, esta viaxe dedicado a este xénero tan variado da música, péchase con dúas cancións de doom metal, as cales posúen ritmos lentos e proporcionan un toque moi nocturno a Voltum Lunae.

Track list: Seguir lendo